A alimentación é unha das funcións vitais que pasa por diferentes etapas dende o nacemento e que, como todo, é esencial que sexa un momento de disfrute sen forzar nin acelerar procesos e respectando cada etapa.

Cando comezan na escola os máis bebés, con 3 ou 4 meses é moi importante para nós facer unha entrevista coa familia para intentar manter o máximo posible os bioritmos e hábitos da casa en canto a alimentación e sono.

Como mulleres, como nais e como profesionais da educación infantil estamos comprometidas con acompañar e facilitar a lactancia, tanto materna como de leite de fórmula.

Damos bibes no coliño e se é preciso incluso por cuchara se algún bebé non quere o biberón.

Se eres unha nai que lle da peito ao teu bebé a incorporación á escola infantil non será un problema nesta escola para manter a LM.

Unha vez que comeza a alimentación complementaria, e seguindo a nosa liña de traballo de fomentar o máximo a automía dos nenos e das nenas, somos partidarias de fomentar o método “BLW” ( Baby-led weaning), que se coñece como introducción da alimentación complementaria autoregulada ou baixo demanda e consiste nunha forma de incorporar sólidos gradualmente e eliminando a fase de purés.

En todo caso, isto non quere dicir que non se den purés na escola. Respectamos, como non podería ser de outra forma, as preferencias e os hábitos de cada familia adaptándonos ás necesidades individuais de cada caso e intentando respectar ao máximo os ritmos e costumes de cada crianza. O importante é que a “fase dos purés” sexa unha etapa de transición gradual cara a alimentación sólida.

Temos unha máxima no comedor da nosa Escola que é “non entra culler en boca pechada”, non se forza nunca nin se obriga baixo ningún concepto a comer a ninguén.

Baixo ningún concepto se obrigará nunca a un neno ou nena a comer ningún alimento que non queira. Intentaremos ofecerllo o máis apetitoso posible, cantar e facer xogos que amenicen mentras comemos. Se fose preciso (porque aínda non esté habituado/a aos sólidos) podemos ofrecerlle a comida en versión puré pero nesta escola nunca se obrigará a un neno/a a comer .

Na Bule Bule non usamos pantallas: non hai televisores nin tablets, polo que obviamente o comedor é un lugar libre de estímulos dixitais. Creemos firmemente que é algo positivo e animamos ás familias a que, alo menos durante o tempo da comida, na casa se faga o mesmo.

Respecto á comida que se sirve no comedor da Escola cabe sinalar que estamos moi comprometidas con inculcar hábitos saludables na infancia e alimentos sanos e equilibrdos.

Unha nutricionista elabora os menus mensuais adaptados ás necesidades desta idade.

No comedor da Bule Bule apostamos por menus equilibrados libres de frituras, azúcares e procesados.